2011 yil 18 mart kuni Koreya Fond birjasi(KRX) biznesni global rivojlantirish masalalari bo'yicha vitse-prezidenti Xvang Djungxo boshchiligidagi KRX delegatsiyaning O'zbekiston Respublikasiga besh kunlik tashrifi yakunlandi.Shu munosabat bilan O'zbekiston Respublikasi Davlat mulkini boshqarish davlat qo'mitasida KRX delegatsiyaning O'zbekiston Respublikasiga besh kunlik tashrifi yakunlariga bag'ishlangan muzokara bo'lib o'tdi.

Tadbirda O'zbekiston Respublikasi Davlat mulki qo'mitasi Raisi v.b.
A. Abduhakimov, Qimmatli qog'ozlar bozori faoliyatini muvofiqlashtirish va nazorat qilish markazi direktori A. Obidov, Qimmatli qog'ozlarning markaziy depozitariysi, "Toshkent" Respublika Fond birjasi rahbarlari va boshqalar qatnashdi.

Janob Xvang Jungxo boshchiligidagi Koreya Fond birjasi delegatsiyasi tomonidan Koreya Fond birjasining normativ-huquqiy faoliyatini ta'minlash bo'yicha vitse-prezedenti Li Sung-Bum, Koreya Respublikasi Adliya vazirligi prokurori Vuk Jin-Rxa va boshqa yetakchi mutaxassislar ishtirok etdi.

KRX delegatsiyasining besh kunlik tashrifi doirasida qimmatli qog'ozlar bozori faoliyatini muvofiqlashtirish va nazorat qilish markazi va boshqa infratuzilma tashkilotlarida Qimmatli qog'ozlarning markaziy depozitariysi va "Toshkent" Respublika Fond birjasi xodimlari ishtirokida seminarlar tashkil etildi. Unda O'zbekiston fond bozori ishtirokchilari faoliyatini normativ-huquqiy himoyasini ta'minlash, fond birjalari ichki ish tartibi va qonun-qoidalari, O'zbekiston fond bozori savdo, hisob-kitob va to'lov tartibining o'zaro ta'siri va fond bozori ishtirokchilariga pullik xizmat ko'rsatish bilan bog'liq masalalalar muhokama qilindi.

Davlat mulki qo'mitasida o'tgan yakuniy uchrashuvda Koreya Fond birjasi va O'zbekiston Respublikasi Davlat mulki qo'mitasi o'rtasida imzolangan (2010 yil 28 dekabr, Toshkent shahri) qimmatli qog'ozlar bozorini rivojlantirish to'g'risidagi hamfikrlik Memorandumi shartlarini amalga oshirish bo'yicha keyingi faoliyat rejasi o'zaro kelishib olindi.