Joriy yilning 14 dekabr kuni Davlat mulki qo'mitasida Osiyo taraqqiyot bank missiyasi bilan uchrashuv bo'lib o'tdi. O'zaro muhokamalar Osiyo taraqqiyot banki (OTB) mablag'lari bilan moliyalashtiriladigan loyihalar bo'yicha tenderlarda O'zbekiston korxonalarining ishtiroki masalasiga bag'ishlandi.

   Uchrashuv davomida  Osiyo taraqqiyot banki vakillari  yurtimizga tashrifidan ko'zda tutilgan maqsad  respublikamiz tarmoq va korxonalarida rivojlanish loyihalarini amalga oshirishga ko'mak ko'rsatish  imkoniyatlarini o'rganishdan iboratligini ma'lum qildilar.

    O'z navbatida Davlat mulki qo'mitasi   vakolati doirasida OTB mutaxassislariga bu ishda yordam berishi mumkinligi aytib o'tildi. Uchrashuvda  ikki tomonlama hamkorlikni yanada kengaytirish borasida o'zaro fikr almashildi.